المساعد الشخصي الرقمي

مشاهدة النسخة كاملة : بتركب مترو !...بتحب تحافظ على تكبيرة الاحرام!...تقدر تساعدنا وتستفيد ان شاء الله



مصطفى بن بدر
12-30-2009, 03:48 PM
السلام عليكم ورحمة الله وبركاته


كيف حالكم يا شباب

كتير منا عشان يجى ويروح من الكليه او الشغل بيركب مترو

وعلى حسب الطريق بياخد منه وقت اقد ايه

انا واحد من الناس طريق الكليه بياخد منى فى حدود ساعه وتلت او وربع وانا رايح وبياخد حوالى ساعتين وانا راجع http://www.h3sonline.com/forums/Emotions/E2%20-%20Y%20o%20l%20k%20s/TT%20TT.png

بس ما حدش يسأل ليهhttp://www.h3sonline.com/forums/Emotions/E2%20-%20Y%20o%20l%20k%20s/dizzy.png

المهم اواقات كتير الاذان بيأذن وانا فى المترو ولسه بدرى على ما انزل او على ما اروح

فممكن اضيع الجماعه الاولى او ممكن يفوتنى وقت الصلاه - بقولك ساعتين راجع -

ففكرت اننا الحمد لله الحكومه عامللنا حوار جميل اوى اللى هوا اشتراك المترو

ربنا يخلى الحكومهhttp://www.h3sonline.com/forums/Emotions/E2%20-%20Y%20o%20l%20k%20s/ka%20boom.png

فقلت ما فيش مشكله لما انزل اصلى واطلع تانى

بس كنت باضيع وقت كبير فى البحث عن اقرب جامع خصوصا انى بانزل فى محطه ما اعرفهاش
واعد اسأل بقى وده يقولك يمين التانى يقولك لألأ اطلع من الباب ده وانتو عارفين الشعب المصرى http://www.h3sonline.com/forums/Emotions/E2%20-%20Y%20o%20l%20k%20s/grin.png


الملخص :

المشكله : 1- الصلاه ممكن تفوتنا او حتى الجماعه الاولى
2- مش عارفين الجوامع اللى فى كل محطه

الحل : كل واحد يقول المحط اللى هوا عارف جنبها فى مسجد قريب


ممكن واحد يقول طب وانا ايه اللى يخلينى(1) انزل اصلى واطلع و (2)اضيع وقت و(3)احنا ورانا مذاكره او مشاوير و(4)بنبقى عايزين ننام بعد الكليه او الشغل يا عم انا هصلى فى بتنا

دى الحاجات اللى الشيطان بيعد يقولهالى وانا فى المترو والاذان اذن

اقلك يا حبى http://www.h3sonline.com/forums/Emotions/E2%20-%20Y%20o%20l%20k%20s/hope%20my%20fake%20smile%20works%20again.png

الفوائد :

_اول حاجه انت هتكسب انك هتلحق (1)تتوضى و(2)تصلى السنه و(3)تدعى شويه و(4)تلحق التكبيره الاولى و(5)تصلى فى الجماعه الاولى و(6)فى الصف الاول

وكل حاجه من دى ليها ثواب رهيب لو حبيتو اجيب الادله

_تانى حاجه انت بتسمع الاذان بيبدأ بـ " الله أكبر الله أكبر "
يعنى الله اكبر واولى واهم من مشاكلى ومواعيدى واهتماماتى ومذاكرتى ونومى و راحتى

سبحانه وتعالى هو الملك
وكأنك لما بتنزل تصلى بتقول ' لبيك يارب انا جيت يا رب اصلى اول ما سمعت النداء رغم كل اللى ورايا '
شوف دى عند ربنا تساوى اد ايه

_تالت حاجه ان ربنا هوا اللى بيده انه ينجحك ويوفقك ويفهمك فكل دى أرزاق بيد الله فممكن الدقايق اللى انت اتأخرتها لما نزلت صليت ربنا يعوضك عليها انك تفهم فى وقت اقل او تعرف طريقة حل مسأله اسهل وتجيلك فى الامتحان وتحلها صحhttp://www.h3sonline.com/forums/Emotions/E2%20-%20Y%20o%20l%20k%20s/grin.png

ربنا كريم وانت دخلت تصلى فى بيته مش هيكرمك !

اسمع الحديث ده قال رسول الله صلى الله عليه وسلم :

" إذا توضأ الرجل المسلم ثم خرج إلى المسجد فهو زائر الله عز وجل وحق على المزور أن يكرم زائره "

الراوي: سلمان - المصدر: إتقان ما يحسن - خلاصة الدرجة: إسناده جيد



شوفت بقى يا عم ... شوف بقى ربنا الكريم الاكرم هيكرمك ازاى http://www.h3sonline.com/forums/Emotions/E2%20-%20Y%20o%20l%20k%20s/want.png


_الحاجه الاخيره اننا اغلبنا عاملين اشتراكات فمش فارقه معانا ولو مش عامل.. ايه يا عم اللى هيحصل لو تدفع جنيه تمن التذكره وتاخد كل الثواب والفضل ده

دا كيس الـ مولتو بجنيه وولا بيشبع ولا بيعمل حاجهhttp://www.h3sonline.com/forums/Emotions/E2%20-%20Y%20o%20l%20k%20s/you%27re%20kidding,%20right.png

المطلوب دلوقتى كل واحد يعرف محطة مترو جنبها مسجد قريب يقول اسم المحطه والمسجد قريب اد ايه
المطلوب التانى عايزين حد يجيب اساء المحطات للخطين عشان طريقة عرض الموضوع الاخيره ان شاء الله

معلش طولت عليكم بس بحب افضفض معاكم

انا كنت حطيت الموضوع ده فى منتدى الكليه والحمد لله الناس شاركونا بمحطات كتير

اضعها فى المشاركه القادمه ان شاء الله

مستنى مشاركاتكم

مصطفى بن بدر
12-30-2009, 04:02 PM
ان شاء الله هذا ما وصلنا اليه

الخط الاول
المنيب _ شبرا

المنيب :
فى مسجد بعيد نص شارع كده فى نفس صف المحطه وهيا ليه مخرج واحد

ساقية مكى مش ميكى :
فى مسجد فى نفس صف المحطه لما تخرج من الباب اللى يطلعك ناحية الجيزه وبيأخر فى الاقامه

ام المصريين :
فى مسجد تحت سلم الحطه ناحية الباب اللى يطلعك على الجيزه بس ده تبع الصوفيه ما تصليش فيه عدى الطريق تلاقى مسجد كبير تبع المستشفى

الجيزه :
فى مسجد تبع المحكمه لما تخرج من ناحية الجيزه مش الهرم
واسمه مسجد نصر الدين ( المسجد به ضريح ولاتجوز الصلاة فيه )

فيصل :
فى مسجد كبير فى نفس صف المحطه بس بعيد نصف شارع كده بعد الموقف تخرج من المحطه تمشى شمال وبيأخر فى الاقامه

جامعة القاهرة :
هتخرج من المخرج اليمين .. هتعدي القسم ... في مسجد على ناصيته .. قبل مكتب التنسيق .. مسجد تيع المستشفى ..


البحوث :
هتخرج على الصف التاني من اخوان مقار .. هتلاقي على ناصيتك الشبراوي .. كمل يمينك .. عد تلات او اربع نواصي .. هتلاقي مسجد على صفك ومسجد على الصف التاني ..
او
بتخرج من الباب اللي مكتوب عليه شارع التحرير_ شارع السودان , بتمشي حبه وبعدين تعدي الشارع بتلاقيه على شمالك (بس الراجل بتاع الجامع بيقفل بسرعه..معرفش ليه )

الدقى : ؟؟؟؟؟؟؟؟؟؟؟؟؟؟؟

الاوبرا : ؟؟؟؟؟؟؟؟؟؟؟؟

السادات (التحرير) :
فى مسجد عمر مكرم ببس مش عارف تخرج له ازاى اسأل عن المسجد مشهور اوى

محمد نجيب :
فى مسجد اسمه جامع الطباخ هوا فى وش السلم ومكتوب على اللافتات اللى بتبقى على ابواب الخروج دى

العتبه :
مسجد عماد الاسلام المؤقت فى وش السلم بتاع المحطه لما تخرج ناحية الجراج - عشان تركب للكليه-
حسنى مبارك (رمسيس) :
مسجد الفتح مشهور قوى وبرده مكتوب على اللافتات

مسرة :
اخرج من مخرج : مجمع الاحياء .. هتلاقي مسجد هناك في وش مخرج المترو ..

روض الفرج :

عندك ستين مسجد .. اخرج من محطة روض الفرج واسأل على جامع الخازندارة .. او للتسهيل .. اسأل على شارع روض الفرج . في زاوية صغيرة في الشارع ده .. و جنب المترو ..

سانت تريزا :

بغض النظر عن الاسم .. بس دي اكتر منطقة فيها مساجد تقريبا في شبرا

اخرج من مخرج : حسن المغربي .. هتلاقي فرع موبينيل .. الناصية اللي قبله .. ادخل فيها هتلاقي مسجد اسمه: الرحمن .. و لو كملت فيه هتلاقي اربع جوامع في نفس الشارع تقريبا ..

او :

اخرج من مخرج : المتنزه .. وكمل .. عدي ناصيتين .. هتلاقي مسجد برضو ..


الخلفاوي :

عندك مسجد الفتح طبعا عند ميدان المماليك .. و لو طلعت وسألت ف الخلفاوي هيدلوك على كذا جامع .. بس عشان مصلتش الا ف الجامع ده هناك ..

او ممكن ترجع سيكا لورا من محطة الخلفاوي .. هتلاقي مسجد عمر بن الخطاب .. نفس المسافة تقريبا للفتح .. و قبله هتلاقي زاوية صغيرة ..

المظلات :
أول ما تخرج أسأل عن حمدي على. خليه على يمينك وأمشي لغاية قصر الإليزية, في جنبيه جامع.

كلية الزراعة : ؟؟؟؟؟؟؟؟

شبرا الخيمه (http://ar.wikipedia.org/w/index.php?title=%D8%B4%D8%A8%D8%B1%D8%A7_%D8%A7%D9 %84%D8%AE%D9%8A%D9%85%D9%87&action=edit&redlink=1): ؟؟؟؟؟؟؟؟؟

ها شباب الخط قرب يخلص همتكم

الخط الثانى


حلوان (http://ar.wikipedia.org/wiki/%D8%AD%D9%84%D9%88%D8%A7%D9%86)
عين حلوان (http://ar.wikipedia.org/w/index.php?title=%D8%B9%D9%8A%D9%86_%D8%AD%D9%84%D9 %88%D8%A7%D9%86&action=edit&redlink=1)
جامعة حلوان (http://ar.wikipedia.org/wiki/%D8%AC%D8%A7%D9%85%D8%B9%D8%A9_%D8%AD%D9%84%D9%88% D8%A7%D9%86)
وادي حوف (http://ar.wikipedia.org/w/index.php?title=%D9%88%D8%A7%D8%AF%D9%8A_%D8%AD%D9 %88%D9%81&action=edit&redlink=1)
حدائق حلوان
المعصرة. (http://ar.wikipedia.org/wiki/%D8%A7%D9%84%D9%85%D8%B9%D8%B5%D8%B1%D8%A9).... فى مسجد جنب المحطه على طول كأن حائط المسجد سور للمحطه
طرة الأسمنت
كوتسكا
طرة (http://ar.wikipedia.org/wiki/%D8%B7%D8%B1%D8%A9) البلد
ثكنات المعادي (http://ar.wikipedia.org/wiki/%D8%AB%D9%83%D9%86%D8%A7%D8%AA_%D8%A7%D9%84%D9%85% D8%B9%D8%A7%D8%AF%D9%8A)
المعادي (http://ar.wikipedia.org/wiki/%D8%A7%D9%84%D9%85%D8%B9%D8%A7%D8%AF%D9%8A)
حدائق المعادي
دار السلام (http://ar.wikipedia.org/wiki/%D8%AF%D8%A7%D8%B1_%D8%A7%D9%84%D8%B3%D9%84%D8%A7% D9%85)
الزهراء
مار جرجس (http://ar.wikipedia.org/wiki/%D9%85%D8%A7%D8%B1_%D8%AC%D8%B1%D8%AC%D8%B3)
الملك الصالح (http://ar.wikipedia.org/w/index.php?title=%D8%A7%D9%84%D9%85%D9%84%D9%83_%D8 %A7%D9%84%D8%B5%D8%A7%D9%84%D8%AD&action=edit&redlink=1)
السيدة زينب (http://ar.wikipedia.org/wiki/%D8%A7%D9%84%D8%B3%D9%8A%D8%AF%D8%A9_%D8%B2%D9%8A% D9%86%D8%A8)
سعد زغلول (http://ar.wikipedia.org/wiki/%D8%B3%D8%B9%D8%AF_%D8%B2%D8%BA%D9%84%D9%88%D9%84)
السادات (http://ar.wikipedia.org/wiki/%D8%A7%D9%84%D8%B3%D8%A7%D8%AF%D8%A7%D8%AA)
جمال عبدالناصر (http://ar.wikipedia.org/wiki/%D8%AC%D9%85%D8%A7%D9%84_%D8%B9%D8%A8%D8%AF%D8%A7% D9%84%D9%86%D8%A7%D8%B5%D8%B1)
أحمد عرابي (http://ar.wikipedia.org/wiki/%D8%A3%D8%AD%D9%85%D8%AF_%D8%B9%D8%B1%D8%A7%D8%A8% D9%8A)
مبارك ...... (http://ar.wikipedia.org/wiki/%D9%85%D8%A8%D8%A7%D8%B1%D9%83)مسجد الفتح مشهور قوى وبرده مكتوب على اللافتات (http://ar.wikipedia.org/wiki/%D9%85%D8%A8%D8%A7%D8%B1%D9%83)
غمرة (http://ar.wikipedia.org/wiki/%D8%BA%D9%85%D8%B1%D8%A9)
فى مسجد تحت الكوبرى يمين شويه كده يعنى انزل سلم الكوبرى وامشى فى الشارع اللى على يمينك (http://ar.wikipedia.org/wiki/%D8%BA%D9%85%D8%B1%D8%A9)
الدمرداش.. (http://ar.wikipedia.org/w/index.php?title=%D8%A7%D9%84%D8%AF%D9%85%D8%B1%D8% AF%D8%A7%D8%B4&action=edit&redlink=1)عدى الكوبرى اللى بيدخلك المترو و خوش يمين هتلاقى المسجد جنب خط المترو
مش من ناحيه المستشفى الدمرداش الناحيه التانيه (http://ar.wikipedia.org/w/index.php?title=%D8%A7%D9%84%D8%AF%D9%85%D8%B1%D8% AF%D8%A7%D8%B4&action=edit&redlink=1)
منشية الصدر .... هتطلع هتلاقي مسجد في وشك .. جنب جزارة كده ..
كوبري القبة....
في مسجد جمال عبد الناصر لكن بعيد عن المحطة نفسها ..
عندك مخرجين لكوبري القبة ..
المخرج الاول اللي عند الكوبري .. هتلاقي في مسجد في وش المحطة .. بس لجوة .. مش بعيد .. دقيقة مشي اصلا ...

المخرج التاني .. عند موقف المكروباصات او كشري الزعيم .. هتطلع .. على شمالك هتلاقي موقف مكروباصات .. ادخل ف الشارع ده .. اخره في مسجد .. مسافة تلات دقايق ..
حمامات القبة
سراي القبة
حدائق الزيتون
حلمية الزيتون (http://ar.wikipedia.org/wiki/%D8%AD%D9%84%D9%85%D9%8A%D8%A9_%D8%A7%D9%84%D8%B2% D9%8A%D8%AA%D9%88%D9%86)
المطرية (http://ar.wikipedia.org/wiki/%D8%A7%D9%84%D9%85%D8%B7%D8%B1%D9%8A%D8%A9)
عين شمس (http://ar.wikipedia.org/wiki/%D8%B9%D9%8A%D9%86_%D8%B4%D9%85%D8%B3)
عزبة النخل
المرج (http://ar.wikipedia.org/wiki/%D8%A7%D9%84%D9%85%D8%B1%D8%AC)
المرج الجديدة

الموضوع محتاج همه يا شباب ربنا يبارك فيكم

ومحتاج شوية تنسيق

مُحب ام المؤمنين خديجة
12-30-2009, 04:20 PM
جزاك الله خيرا كثيرا
فكرة رائعة
رجاءا ان يكون هذا الموضوع مثبت

متفائل في زمن اليأس
12-30-2009, 04:55 PM
وعليكم السلام ورحمة الله وبركاته
جامعة حلوان - في مسجد جنب السلم الي بره المحطة
وادي حوف .. اخرج من المحطة من الناحية الي على ايدك اليمين وانتا رايح حلوان
امشي شوية شمال - هتلاقي ارض فضاء وفي مسجد لجوا فيها بابه صغير لتحت كده
المعادي اخرج من المحطة من الناحية الي على ايدك اليمين وانتا رايح حلوان
امشي شوية يمين هتلاقي مسجد على نفس صف المحطة.

الملك الصالح .. انزل المحطة من المكان الي ناحية الكورنيش واخرج من الباب الشمال للمحطة هتلاقي مسجد في الوش على طول.

سراي القبة .. اخرج من المحطة .. امشي شمال لحد ما تلاقي مسجد على الرصيف التاني

lovely touch
12-30-2009, 05:20 PM
جزاك الله خيرا كثيرا
فكرة رائعة
ايه يا اخي الافكار الجامده دي
بجد ما شاء الله عليك ويا بختك علي الثواب
بحبك في الله

رجاءا ان يكون هذا الموضوع مثبت

حفيد عمر بن الخطاب
12-30-2009, 05:31 PM
السلام عليكم ورحمة الله وبركاته
والله موضوع جميل جدا

فيه محطات كتير مظبوطه لكن




منشية الصدر .... هتطلع هتلاقي مسجد في وشك .. جنب جزارة كده


فين الجزارة دي يا سيدنا قاعد أعصر راسي وأنا خصوصا كنت بزل المحطه دي كل يوم مرتين لمدة سنه مش فاكر
المسجد علي إيدك اليمين عدل أول ما تنزل ومافي جزارة :)

مصطفى بن بدر
12-30-2009, 05:40 PM
جزاك الله خيرا كثيرا
فكرة رائعة
رجاءا ان يكون هذا الموضوع مثبت


جزانا واياكم اخى




جزاك الله خيرا كثيرا
فكرة رائعة
ايه يا اخي الافكار الجامده دي
بجد ما شاء الله عليك ويا بختك علي الثواب
بحبك في الله

رجاءا ان يكون هذا الموضوع مثبت



جزانا واياكم اخى

احبك الذى احببتنى فيه ان شاء الله عندما يكتمل الموضوع وينسق نطلب من الاداره تثبيت الموضوع

ننتظر يا فرسان تفاعلكم



فين الجزارة دي يا سيدنا قاعد أعصر راسي وأنا خصوصا كنت بزل المحطه دي كل يوم مرتين لمدة سنه مش فاكر
المسجد علي إيدك اليمين عدل أول ما تنزل ومافي جزارة :)


مش عارف يا شيخنا والله ده كلام اخ اضافه للموضوع اللى على منتدى الكليه والعهده على الكاتب

ولا يهمك يا شيخنا نشيل الجزاره ان شاء الله


نسأل الله القبول

مُحب الجهاد
12-30-2009, 05:42 PM
جزاك الله خيرا ً

فكرة ممتازة

ولكن ارجو تصحيح هذة الجمله


منشية الصدر .... هتطلع هتلاقي مسجد في وشك .. جنب جزارة كده ..

فكما قال أخى حفيد عمر ..

لما تخرج من محطه منشيه الصدر هتلاقى فى وشك كنيسه !

لو خرجت من ناحيه إتجاة المرج

واسمح لي يا آخى بنقل الفكرة والموضوع

مصطفى بن بدر
12-30-2009, 05:50 PM
ياااااااااااااااااه

تلاقى فى وشك كنيسه

ربنا يسترنا ولا يفضحنا

اغيرها ان شاء الله فى المشاركه القادمه

يا اخى سماح ايه اتفضل يا اخى

بس لا تذكر اسمى بعد اذنك

جزاكم الله خيرا

حفيد عمر بن الخطاب
12-30-2009, 05:57 PM
عندك كمان محطة الدمرداش تنزل من علي السلم تلاقي المسجد علي إيدك اليمين
العتبه تخرج من المخرج بتاع الجراج تقريبا تلاقي المسجد علي إيدك اليمين ..
عندك البحوث تخرج من المخرج التاني وتمشي شويه هتلاقي مسجد علي إيدك الشمال تقريبا اسم الشار محي الدين شئ قريب من كدا
غمره بصراحه مش عارف مكان مسجد أفتكر اني تعبت جدا علشان اعرف مسجد ومعرفتش

عمار بن ياسر الصعيدي
12-30-2009, 07:28 PM
ان شاء الله هذا ما وصلنا اليه



الدقى : ؟؟؟؟؟؟؟؟؟؟؟؟؟؟؟





شارع التحرير شارع سليمان جوهر

هتلاقي مسجد اول شارع علي ايدك اليمين بعد مطعم الاسيوطي

بالظبط هياخد منك دقيقتين بعد ما تطلع من سلم المترو

عبيدة المصري
12-30-2009, 07:41 PM
السلام عليكم و رحمة الله و بركاته
يا أخوان في محطة الجيزة و ألي نازل ناحية الهرم

هتلاقي مسجد بتاع نصر الدين معروف
بس سمعت أنه فيه ضريح و الله أعلم مش متأكد
سمعت
فلو كان فيه ياريت حذفه علشان شفته مكتوب فوق

بحبـــ أبوعمار ـــكم
12-30-2009, 07:47 PM
المرج الجديدة : اول ما تطلع من المحطة فى جامع كبير فى الميدان على ايدك الشمال
المرج القديمة : أطلع المرج الشرقية هناك مسجد الرحمن على المحطة مباشرة ومسجد الهداية على المحطة مباشرة ايضا
عزبة النخل : اطلع الناحية الغربية امامك مباشرأ مسجد
الحلمية : هناك جامع على المحطة مباشرة الجهة الغربية
حدائق الزيتون : اطلع الناحية الشرقية ناحية الاسواق وامشى شمال شوية بسيطة جامع على المحطة مباشرة

benteleslam
12-30-2009, 07:58 PM
المظلات :

على اتجاه شارع الرى البحرى
اول ماتطلع من المحطه فى مسجد على الشمال

mohamed fawzy
12-30-2009, 08:51 PM
جزاك الله خيرا على الموضوع

كلية الزراعة : هو مخرج واحد ، على ايدك الشمال الموقف قدامه وراء الكوبرى مسجد مستخبى وراء الكوبرى

يااخوة رجاء العنوان يكون واضح أكترشوية لان احيانا الواحد بينزل محطات لاول مرة



شارع التحرير شارع سليمان جوهر
هتلاقي مسجد اول شارع علي ايدك اليمين بعد مطعم الاسيوطي
بالظبط هياخد منك دقيقتين بعد ما تطلع من سلم المترو


طيب يااخى الكريم انا بنزل الدقى على فترات بروح شارع مصدق
وأقرب جامع بقابله مسجد اسمه ( على بن ابى طالب وهو بعيد عن محطة المترو )
فين الاسيوطى ده ؟

حفيد عمر بن الخطاب
12-30-2009, 09:03 PM
الإسعاف أو السادات أول ما تطلع من المطلع اللي عند المحاكم تمشي شويه هتلاقي محلات .. هناك مصلي صغير حتي الناس بتصلي علي الرصيف .. أنا كل ما أفتكر بكتب


أنتم لو قلتوا لي المنصورة هوصفلكم المساجد مسجد مسجد ..:)
أهل المنصورة أدرى بشعابها :)

مصطفى بن بدر
12-30-2009, 09:58 PM
جزاكم الله خيرا جميعا

نذكر بالهدف من الموضوع ان كل اخ ياخد باله من ان كل محطه بفضل الله جنبها مسجد

يركز شويه فين اللى ممكن يحتاج ينزل فيها عشان يلحق الصلاه يركز مكان المسجد بالنسبة للمحطه ايه بالظبط

نعيد الرصد مره اخرى ان شاء الله

الخط الاول
المنيب _ شبرا

المنيب :
فى مسجد بعيد نص شارع كده فى نفس صف المحطه وهيا ليه مخرج واحد

ساقية مكى مش ميكى :
فى مسجد فى نفس صف المحطه لما تخرج من الباب اللى يطلعك ناحية الجيزه وبيأخر فى الاقامه

ام المصريين :
فى مسجد تحت سلم الحطه ناحية الباب اللى يطلعك على الجيزه بس ده تبع الصوفيه ما تصليش فيه عدى الطريق تلاقى مسجد كبير تبع المستشفى

الجيزه :
فى مسجد تبع المحكمه لما تخرج من ناحية الجيزه مش الهرم بس خلى بالك بيقيم الصلاه بسرعه
او
بتخرج من ناحيه ش الهرم يعني عند النفق بتعدي الشارع هتلاقيه في وشك الظبط ..واسمه مسجد نصر الدين ..هو مسجد كبير ومعروف.. يرجى التأكد قبل الصلاة فيه من عدم وجود ضريح

فيصل :
فى مسجد كبير فى نفس صف المحطه بس بعيد نصف شارع كده بعد الموقف تخرج من المحطه تمشى شمال وبيأخر فى الاقامه

جامعة القاهرة :
هتخرج من المخرج اليمين .. هتعدي القسم ... في مسجد على ناصيته .. قبل مكتب التنسيق .. مسجد تيع المستشفى ..

البحوث :
هتخرج على الصف التاني من اخوان مقار .. هتلاقي على ناصيتك الشبراوي .. كمل يمينك .. عد تلات او اربع نواصي .. هتلاقي مسجد على صفك ومسجد على الصف التاني ..
او
بتخرج من الباب اللي مكتوب عليه شارع التحرير_ شارع السودان , بتمشي حبه وبعدين تعدي الشارع بتلاقيه على شمالك (بس الراجل بتاع الجامع بيقفل بسرعه..معرفش ليه )

الدقى :

شارع التحرير.. شارع سليمان جوهر..هتلاقي مسجد اول شارع علي ايدك اليمين بعد مطعم الاسيوطي بالظبط ..هياخد منك دقيقتين بعد ما تطلع من سلم المترو



الاوبرا : ؟؟؟؟؟؟؟؟؟؟؟؟

السادات (التحرير - الاسعاف) :
فى مسجد عمر مكرم ببس مش عارف تخرج له ازاى اسأل عن المسجد مشهور اوى
او
أول ما تطلع من المطلع اللي عند المحاكم تمشي شويه هتلاقي محلات .. هناك مصلي صغير حتي الناس بتصلي علي الرصيف

محمد نجيب :
فى مسجد اسمه جامع الطباخ هوا فى وش السلم يعنى المسجد فوق المحطه ومكتوب على اللافتات اللى بتبقى على ابواب الخروج دى

العتبه :
مسجد عماد الاسلام المؤقت فى وش السلم بتاع المحطه لما تخرج ناحية الجراج - ناحية شارع عبد العزيزاو مسرح العرائس-

حسنى مبارك (رمسيس) :
مسجد الفتح مشهور قوى وبرده مكتوب على اللافتات

مسرة :
اخرج من مخرج : مجمع الاحياء .. هتلاقي مسجد هناك في وش مخرج المترو ..

روض الفرج :
عندك ستين مسجد .. اخرج من محطة روض الفرج واسأل على جامع الخازندارة .. او للتسهيل .. اسأل على شارع روض الفرج . في زاوية صغيرة في الشارع ده .. و جنب المترو ..

سانت تريزا :
بغض النظر عن الاسم .. بس دي اكتر منطقة فيها مساجد تقريبا في شبرا

اخرج من مخرج : حسن المغربي .. هتلاقي فرع موبينيل .. الناصية اللي قبله .. ادخل فيها هتلاقي مسجد اسمه: الرحمن .. و لو كملت فيه هتلاقي اربع جوامع في نفس الشارع تقريبا ..
او :
اخرج من مخرج : المتنزه .. وكمل .. عدي ناصيتين .. هتلاقي مسجد برضو ..

الخلفاوي :
عندك مسجد الفتح طبعا عند ميدان المماليك .. و لو طلعت وسألت ف الخلفاوي هيدلوك على كذا جامع .. بس عشان مصلتش الا ف الجامع ده هناك ..

او ممكن ترجع سيكا لورا من محطة الخلفاوي .. هتلاقي مسجد عمر بن الخطاب .. نفس المسافة تقريبا للفتح .. و قبله هتلاقي زاوية صغيرة ..

المظلات :
أول ما تخرج أسأل عن حمدي على. خليه على يمينك وأمشي لغاية قصر الإليزية, في جنبيه جامع.
او
على اتجاه شارع الرى البحرى اول ماتطلع من المحطه فى مسجد على الشمال

كلية الزراعة :
هو مخرج واحد ، على ايدك الشمال الموقف قدامه وراء الكوبرى مسجد مستخبى وراء الكوبرى

شبرا الخيمه: ؟؟؟؟؟؟؟؟؟

ان شاء الله كده يبقى فاضل الاوبرا وشبرا الخيمه

الخط الثانى
حلوان - المرج

حلوان: ؟؟؟؟؟؟؟؟؟؟؟؟؟؟
عين حلوان : ؟؟؟؟؟؟؟؟؟؟؟؟؟؟
جامعة حلوان:
في مسجد جنب السلم الي بره المحطة

وادى حوف:
خرج من المحطة من الناحية الي على ايدك اليمين وانتا رايح حلوان امشي شوية شمال - هتلاقي ارض فضاء وفي مسجد لجوا فيها بابه صغير لتحت كده

حدائق حلوان: ؟؟؟؟؟؟؟؟؟؟؟؟؟؟؟
المعصره :
فى مسجد جنب المحطه على طول لو خرجت من رصيف المرج يعنى كأنك رايح المرج وهتبقى شايف مأذنة المسجد وانت فى المحطه

طره الاسمنت: ؟؟؟؟؟؟؟؟؟؟؟؟؟
كوتسيكا :؟؟؟؟؟؟؟؟؟؟؟؟؟؟؟؟؟؟
طره البلد : ؟؟؟؟؟؟؟؟؟؟؟؟؟؟؟
ثكنات المعادى : ؟؟؟؟؟؟؟؟؟؟؟؟؟؟؟

المعادى :
اخرج من المحطة من الناحية الي على ايدك اليمين وانتا رايح حلوان
امشي شوية يمين هتلاقي مسجد على نفس صف المحطة.

حدائق المعادى : ؟؟؟؟؟؟؟؟؟؟
دار السلام : ؟؟؟؟؟؟؟؟؟؟؟
الزهراء : ؟؟؟؟؟؟؟؟؟؟؟؟؟
مارجرجس : ؟؟؟؟؟؟؟؟؟؟

الملك الصالح :
انزل المحطة من المكان الي ناحية الكورنيش واخرج من الباب الشمال للمحطة هتلاقي مسجد في الوش على طول.
السيده زينب : ؟؟؟؟؟؟؟؟؟؟؟؟؟؟
سعد زغلول : ؟؟؟؟؟؟؟؟؟؟؟؟؟؟
السادات (التحرير) :
فى مسجد عمر مكرم بس مش عارف تخرج له ازاى اسأل عن المسجد مشهور اوى

جمال عبد الناصر :؟؟؟؟؟؟؟؟؟؟
احمد عرابى :
أول ما تخرج من المحطة فى نفس اتجاه الخروج حتمشى نص دقيقة حتلاقى نفسك تحت كوبرى أكتوبر ..تدخل يمين تحت الكوبرى حتلاقى مسجد الجلاء (الجمعية الشرعية الرئيسية)

و يا سلام بقى لو كانت صلاة مغرب أو عشاء حتسمع الشيخ عبد الخالق على من أجمل الأصوات اللى الواحد سمعها

حسنى مبارك (رمسيس) :
مسجد الفتح مشهور قوى وبرده مكتوب على اللافتات

غمره :
اخرج من المحطه انزل سلم الكوبرى ادخل اول شارع علي يمينك شويه تلاقى مسجد على شمالك

الدمرداش :
اول ما تعدى من المكنه اخرج من الباب اللى على يمينك انزل السلم تلاقى المسجد على يمينك على طول

منشية الصدر:
المسجد علي إيدك اليمين عدل أول ما تنزل من المحطه ومفيش جنبه جزاره

كوبرى القبه :
في مسجد جمال عبد الناصر لكن بعيد عن المحطة نفسها ..
عندك مخرجين لكوبري القبة ..
المخرج الاول اللي عند الكوبري .. هتلاقي في مسجد في وش المحطة .. بس لجوة .. مش بعيد .. دقيقة مشي اصلا ...
المخرج التاني .. عند موقف المكروباصات او كشري الزعيم .. هتطلع .. على شمالك هتلاقي موقف مكروباصات .. ادخل ف الشارع ده .. اخره في مسجد .. مسافة تلات دقايق ..

حمامات القبة : ؟؟؟؟؟؟؟؟؟
سراي القبة :
اخرج من المحطة .. امشي شمال لحد ما تلاقي مسجد على الرصيف التاني

حدائق الزيتون:
اطلع الناحية الشرقية ناحية الاسواق وامشى شمال شوية بسيطة جامع على المحطة مباشرة

حلمية الزيتون:
هناك جامع على المحطة مباشرة الجهة الغربية

المطريه : ؟؟؟؟؟؟؟؟؟؟
عين شمس: ؟؟؟؟؟؟؟؟؟؟؟؟
عزبة النخل :
اطلع الناحية الغربية امامك مباشرأ مسجد

المرج:
أطلع المرج الشرقية هناك مسجد الرحمن على المحطة مباشرة ومسجد الهداية على المحطة مباشرة ايضا

المرج الجديده :
اول ما تطلع من المحطة فى جامع كبير فى الميدان على ايدك الشمال

ولله الحمد اقتربنا على الانتهاء

معذرة يا اخ محمد فوزى انا لا اعرف التفاصيل مجرد بجمع مشاركات الاخوه

لذا ارجو من الاخوه زيادة التفاصيل يعنى بالنسبه للخط القديم بيكون فى مخرج لكل رصيف بيربط ما بينهم سلم وده فى اكثر المحطات لذا نقول مثلا مخرج رصيف المرج حلوان تطلع تلاقى كذا

وجزاكم الله خيرا

الهمه يا فرسان

ابن حجر المصرى
12-30-2009, 10:51 PM
السلام عليكم و رحمة الله و بركاته
يا أخوان في محطة الجيزة و ألي نازل ناحية الهرم

هتلاقي مسجد بتاع نصر الدين معروف
بس سمعت أنه فيه ضريح و الله أعلم مش متأكد
سمعت
فلو كان فيه ياريت حذفه علشان شفته مكتوب فوق




نعم اخى مسجد نصر الدين في ضريح الراجل ده

ولكن فى زاويه صغيره اول ما تنزل من السلم على شمالك
وجزا الله اخينا صاحب الموضوع خير الجزاء

Akromaa
12-30-2009, 11:23 PM
جزاك الله خيرا

عمار بن ياسر الصعيدي
12-31-2009, 12:51 AM
طيب يااخى الكريم انا بنزل الدقى على فترات بروح شارع مصدق
وأقرب جامع بقابله مسجد اسمه ( على بن ابى طالب وهو بعيد عن محطة المترو )

فين الاسيوطى ده ؟



السلام عليكم ورحمه الله وبركاته

بص يا شيخ محمد

اطلع من المترو علي السلم ال هيوديك شارع سليمان جوهر (علي الرصيف بتاع سينما التحرير اعوذ بالله )
المهم
بعد ما تطلع من السلم اول شارع علي ايدك اليمين ( هتلاقي علي ناصيته محل بيبع اسطوانات وشرائط كاست اغاني ) برضه اعوذ بالله
ادخل الشارع ده وهتلاقي المسجد علي ايدك الشمال جنب مطعم الاسيوطي وهتلاقي جنب المطعم فكهاني ومحل عصير قصب




ارجو ان اكون افادتك

ahmed3487
12-31-2009, 01:09 AM
كلية الزراعة : اخرج من المحطة هتلاقى كوبرى فى وشك امشى تجاهه وعدى من تحتيه هتلاقى التوحيد والنور فى وشك بص شمال هتلاقى مسجد صغير
لو عاوز مسجد كبيييييير ومريح جدا وبه إمام صوته ندي جداً متبصش شمال بص يمين هتلاقى فكهانى خش عليه وبص شمال هتلاقى المسجد امامك (مسجد الصحابة)
شبرا الخيمة : اخرج من المحطة من الجهة التى بجوار شباك التذاكر بص اماكك الى اسفل هتلاقى مسجد لكنه بجوار السوق(زحام وضوضاء)
او بص يمين الى اسفل هتلاقى مسجد البخارى فى وشك
صحيح فى مسجد فى المحطة بارك الله فى من أنشأه
محمد نجيب : اطلع من المحطة تجاه اللافتة اللى مكتوب عليها مسجد الطباخ(مفرفش ليه الاسم دا) هتطلع تلاقى مسجد على يمينك

اقول للى خايف ينزل ميلاقيش مسجد لا انزل وكده كده هتلاقى ان شاء الله

منشية الصدر :بها مساجد كتير غير اللى على جهة الكنيسة وانا سمعت ان به ضريح (ارجو التاكد)
الجهة الاخرى بها مسجدين اخرج وامشى يمين شويه هتلاقيه على شمالك
كوبرى القبه : انزل من المحطة جهة بتاع الكشرى هتلاقى مسجد امامك مباشرة

أسألكم الدعاء لى ولصاحب هذه الفكرة الرائعة

راجية رضى ربى
12-31-2009, 03:38 AM
السلام عليكم ورحمة الله وبركاته

جزاكم الله خيرا

حدائق الزيتون:مسجد عند دار ابن مسعود قريب جدا من المحطه

حلمية الزيتون:مسجد بجوار المحطه

المطريه:مسجد بحوار المحطه

المرج الجديده:مسجد امام المحطه

مصطفى بن بدر
12-31-2009, 08:46 AM
جزاكم الله خيرا جميعا

ان شاء الله لو ممكن حد من المشرفين يضع المشاركه التى بها اخر تحديث فى المقدمه اى تكون هى رقم 2 فى المشاركات

حتى ينتفع الاخوه عند دخولهم

وحتى لا يضيف اخ بيانات محطه موجوده من قبل

جزاكم الله خيرا

*مسلمة*
01-01-2010, 07:00 AM
لدي فكرة أضيفها بارك الله فيكم
بعد اكتمال الموضوع ورصد المساجد بكل المحطات
يتم اعادة صياغتها ومراجعتها جيدا
ويتم طبعها
وتصويرها
وكل واحد يوزع الورقه دي وهو رايح علي الصلاة لفت انتباه الناس
ودعوة أيضا لمن لا يصلي بأهمية الصلاه نفسها
ودعوة من يؤخر الصلاة بأهمية الصلاة في وقتها
وفي انتظار اكتمال باقي المحطات بشدة
بارك الله في الجميع

مصطفى بن بدر
01-01-2010, 03:06 PM
ما شاء الله تبارك الله

باقى محطه واحده الاوبرا

انا سمعت من اخ ان ما فيش مسجد جنبها فهل هذا صحيح ؟

وطلب اخر بالنسبه لبعض محطات خط المرج حلوان

نريد مزيدا من التوضيح يعنى نقول اخرج من الباب اللى فى رصيف حلوان -->المرج تلاقى كذا

عشان نعرف بس نخرج من اى الاتجاهات فى المحطه

يعنى بعض التفصيل

يسر الله عليكم طاعاتكم

وشكر لكم سعيكم

benteleslam
01-01-2010, 03:12 PM
باقى محطه واحده الاوبرا

انا سمعت من اخ ان ما فيش مسجد جنبها فهل هذا صحيح ؟

نعم يااخى لانها واقعه بين كوبرى الجلاء وكوبرى قصر النيل مفيش مساحه كبيره بين الكبريين
فممكن اللى هينزل ينزل الدقى المحطه السابقه لها او السادات المحطه اللى بعدها

محطه السادات اتجاه الخروج تجاه مسجد عمر مكرم هو اتجاه المتحف المصرى

مصطفى بن بدر
01-01-2010, 03:21 PM
جزيتم خيرا

كده ان شاء الله يكون الخط كمل والحمد لله

جزى الله كل من شارك معنا

عقبال الخط الثانى ان شاء الله

غريبه شويه - عقبال - دى !!!!

سَيْفُ مُحَمّد
01-02-2010, 09:02 AM
ربنا يرضى عنك يارب فكرة طيبة

benteleslam
01-02-2010, 09:48 PM
ممكن يااخوتى بس مش عارفه يسمح بها ولا لا
لو انك مع زميل او اتنين لما لا تقيموا الصلاه على رصيف المترو لاسيما فى الاوقات قليله الازدحام
باذن الله ينضم اليكم الكثير ويوم بعد يوم يكررها اخوه واخوه حتى تكون عاده فى المكان
لعل الله يتمها وتكون فى ميزانك صدقه جاريه

حفيد عمر بن الخطاب
01-03-2010, 12:05 AM
ممكن يااخوتى بس مش عارفه يسمح بها ولا لا
لو انك مع زميل او اتنين لما لا تقيموا الصلاه على رصيف المترو لاسيما فى الاوقات قليله الازدحام
باذن الله ينضم اليكم الكثير ويوم بعد يوم يكررها اخوه واخوه حتى تكون عاده فى المكان
لعل الله يتمها وتكون فى ميزانك صدقه جاريه


هذا يكون شئ في منتهى الروعه

فوجئت بأخ كنا راكبين القطار ويقرأ في المصحف .. وقام وسجد وسط القطار لمروره بالسجده

كان كثير منا عند مروره بالسجده لا يسجد لأنه في القطار وبفعل الاخ أصبح كثير جدا يقلدوه

omar adam
01-03-2010, 10:14 AM
الاحباب بمصر .حفظكم الله ويسر لكم اموركم

معي لكم نصيحه وهديه
اما اولاهما = فالحذر من المساجد التي بها اضرحه فانه لا يجوز الصلاه فيها
اما الهديه فهي عباره عن كتاب نادر للشيخ المقدسي يعد منهجا لتربيه الابناء بطريقه صحيحه للوصول الي "جيل التمكين "
رابط الكتاب
http://www.4shared.com/file/182313192/10abfa6d/_____.html

ابن القيم المصرى
01-04-2010, 05:45 PM
اسال الله ان يجعل هذا العمل فى ميزان حسناتك
وان يجعله خالصا لوجهه تبارك وتعالى
احسن الله اليك

مصطفى بن بدر
01-07-2010, 11:53 AM
ها شباب

فين الهمه

عايزين نكمل الخط الثانى

اسألوا اصحابكم وكده

سلفى وبحب بلدى
01-07-2010, 03:53 PM
ها شباب

فين الهمه

عايزين نكمل الخط الثانى

اسألوا اصحابكم وكده


السلام عليكم ورحمة الله

جزاكم الله خيرا
اسأل الله أن يجعل هذا العمل بميزان حسناتك .. آمين

سلفى وبحب بلدى
01-07-2010, 03:58 PM
ممكن يااخوتى بس مش عارفه يسمح بها ولا لا
لو انك مع زميل او اتنين لما لا تقيموا الصلاه على رصيف المترو لاسيما فى الاوقات قليله الازدحام
باذن الله ينضم اليكم الكثير ويوم بعد يوم يكررها اخوه واخوه حتى تكون عاده فى المكان
لعل الله يتمها وتكون فى ميزانك صدقه جاريه



السلام عليكم ورحمة الله
جزاكم الله خيرا

سلفى وبحب بلدى
01-07-2010, 04:00 PM
ما شاء الله تبارك الله

باقى محطه واحده الاوبرا

انا سمعت من اخ ان ما فيش مسجد جنبها فهل هذا صحيح ؟

وطلب اخر بالنسبه لبعض محطات خط المرج حلوان

نريد مزيدا من التوضيح يعنى نقول اخرج من الباب اللى فى رصيف حلوان -->المرج تلاقى كذا

عشان نعرف بس نخرج من اى الاتجاهات فى المحطه

يعنى بعض التفصيل

يسر الله عليكم طاعاتكم

وشكر لكم سعيكم



السلام عليكم ورحمة الله
محطة الأوبرا انت ونصيبك ممكن تلاقي ناااس بتصلي علي الأرض النجيلة وممكن لأ

سلفى وبحب بلدى
01-07-2010, 04:03 PM
لدي فكرة أضيفها بارك الله فيكم
بعد اكتمال الموضوع ورصد المساجد بكل المحطات
يتم اعادة صياغتها ومراجعتها جيدا
ويتم طبعها
وتصويرها
وكل واحد يوزع الورقه دي وهو رايح علي الصلاة لفت انتباه الناس
ودعوة أيضا لمن لا يصلي بأهمية الصلاه نفسها
ودعوة من يؤخر الصلاة بأهمية الصلاة في وقتها
وفي انتظار اكتمال باقي المحطات بشدة
بارك الله في الجميع





السلام عليكم ورحمة الله

جزاكم الله خيرا
فكرة طيبة جدا جدا وتوزع الورقة علي الأصدقاء والمعارف

سلفى وبحب بلدى
01-07-2010, 04:07 PM
السلام عليكم ورحمة الله



نعم اخى مسجد نصر الدين في ضريح الراجل ده
ولكن فى زاويه صغيره اول ما تنزل من السلم على شمالك
وجزا الله اخينا صاحب الموضوع خير الجزاء
هذا صحيح (ما يخص الضريح)




طيب يااخى الكريم انا بنزل الدقى على فترات بروح شارع مصدق
وأقرب جامع بقابله مسجد اسمه ( على بن ابى طالب وهو بعيد عن محطة المترو )
فين الاسيوطى ده ؟
في مسجد لم يذكر أو ينتبه له أحد وهو قريب جدا من محطة الدقي
معلش اعذروني علي عدم التوضيح جيدا .. حال الخروج من مترو الدقي
اذهب لميدان الدقي يوجد محل اسماك بالميدان قبل ما توصل لمحل الأسماك
في شارع واسع علي الناصية شركة صرافة وبائع جرائد
المسجد تم توسعته قريبا من عدة شهور

ابو سندس المصرى
01-07-2010, 04:20 PM
السلام عليكم
اخى
بارك الله لك
انا مبركبش المترو
بس حبيت اشكرك فى الموضوع بارك الله لك
وجعله فى ميزان حسناتك

عمار بن ياسر الصعيدي
01-08-2010, 09:19 PM
في مسجد لم يذكر أو ينتبه له أحد وهو قريب جدا من محطة الدقي
معلش اعذروني علي عدم التوضيح جيدا .. حال الخروج من مترو الدقي
اذهب لميدان الدقي يوجد محل اسماك بالميدان قبل ما توصل لمحل الأسماك
في شارع واسع علي الناصية شركة صرافة وبائع جرائد
المسجد تم توسعته قريبا من عدة شهور



جزاك الله خيراً اخي المرشد

اعتقد ان المسجد بتاع شارع سليمان جوهر اقرب من المسجد ال موجود علي ناصيه شركه الصرافه

المسجد الذي ذكرته في المشاركه السابقه لي هو ليس بمسجد ولكنه ( ذي ما بيقولوا زاويه )


واليكم المشاركه بتاعتي




السلام عليكم ورحمه الله وبركاته



بص يا شيخ محمد


اطلع من المترو علي السلم ال هيوديك شارع سليمان جوهر ( الرصيف بتاع سينما التحرير اعوذ بالله )
المهم
بعد ما تطلع من السلم اول شارع علي ايدك اليمين ( هتلاقي علي ناصيته محل بيبع اسطوانات وشرائط كاست اغاني ) برضه اعوذ بالله
ادخل الشارع ده وهتلاقي المسجد علي ايدك الشمال جنب مطعم الاسيوطي وهتلاقي جنب المطعم فكهاني ومحل عصير قصب





ارجو ان اكون افادتك



وللمزيد من المعلومات


هتلاقي امام الزاويه محل سمكري وبجوار الزاويه قهوة بعيد عنكم وجنب القهوة مطعم الاسيوطي

أبو بكر المسلم
01-08-2010, 10:32 PM
السلام عليكم و رحمة الله و بركاته
اولا أعتذر لعدم التنسيق لأني أكتب الرد على المحمول و لا أستطيع تنسيق الكتابة
نأتي إلى المساجد بجوار المحطات
محطة المطرية : اخرج من رصيف اتجاه حلوان هتلاقي المخرج على السلم من فوق أول رصيف المحطة بعد الخروج تمشي في الشارع على شمالك لحد أول يمين تدخل فيه آخره مسجد على الشمال عند منزل كوبري سيارات اسمه علي باشا اللالاه حوالي 3_4 دقائق مشي
حدائق الزيتون : في زاوية أقرب من الأخ قالها دا غير ان السوق هناك في مناظر استغفر الله تخرج من اتجاه المرج تدخل يمين هتشوف منزل كوبري سيارات اسمه كوبري سنان تحب الكوبري دا في زاوية صغيرة حوالي دقيقتين أو أقل مشي
أو أول ما تخرج من المحطة الشارع اللي في وشك تدخل فيه لحد أول تقاطع تدخل يمين على شمالك على طول هتلاقي المسجد حوالي دقيقتين أو 3 دقائق مشي
الأخ اللي كتب محطة الإسعاف أو السادات أخطأ في الكتابة أظن لأن الإسعاف هي جمال عبد الناصر و بالفعل في زاوية هناك بعد المخرج اللي بيخرج عن شارع طلعت حرب الزاوية في حارة ع الشمال أقل من دقيقة مشي
أما محطة السادات : ففي مسجد عمر مكرم و ليه مخرج لوحده أو لو انت رايح المجمع أما لو انت الناحية التانية من الميدان أو خرجت من مخرج الجامعة الأمريكية فهتدخل الشارع اللي على ناصيته كنتاكي و هارديز يكونوا ع الشمال و الجامعة الأمريكية ع اليمين لأن في أتنين كنتاكي في ميدان التحرير اللي نقصده هو اللي جنب مخرج مترو عند الجامعة الأمريكية و جنبه هارديز بعديهم ع الشمال هتلاقي زاوية في حارة ع الشمال حوالي أقل من دقيقة من المخرج
السيدة زينب: تخرج من الاتجاه اليمين ( بتشاور على شارع رشدي) أتجاه القصر العيني الفرنساوي تنزل هتلاقي شارع رشدي كله محلات بتبيع أدوات طبية لحد أول تقاطع سيارات موازي لخط المترو و عمودي على شارع رشدي تدخل شمال هتلاقي المسجد على اليمين حوالي 4_5 دقائق مشي
محطة حلوان : بعد ما تخرج من المحطة هتلاقي نفسك في سوق كبير هتلاقي شارع يمين هتلاقي عنده بتاع كشري اسمه الإيمان و بتاع كباب بعديهم على طول الزاوية حوالي دقيقة أو أقل مشي وجزاكم الله خير على هذه الفكرة بس أنا بطلت أركب مترو إلا قليلا

سلفى وبحب بلدى
01-09-2010, 12:06 AM
جزاك الله خيراً اخي المرشد

اعتقد ان المسجد بتاع شارع سليمان جوهر اقرب من المسجد ال موجود علي ناصيه شركه الصرافه
المسجد الذي ذكرته في المشاركه السابقه لي هو ليس بمسجد ولكنه ( ذي ما بيقولوا زاويه )
واليكم المشاركه بتاعتي


وللمزيد من المعلومات

هتلاقي امام الزاويه محل سمكري وبجوار الزاويه قهوة بعيد عنكم وجنب القهوة مطعم الاسيوطي



السلام عليكم ورحمة الله

واياكم أخي .. اخي انا هوصف من جديد ويارب أوفق بالوصف
حضرتك تخرج من أي سلم بالدقي المهم تمشي
برصيف عبدالهادي أو حسونه الحلواني مش فاكر
في شارع قبل منه تدخل منه وتمشي هتلاقي امامك زي مستشفي خاص
الزوايه أو المسجد يمينك بنفس الصف اللي فيه المستشفي لو وجهك أمامها
أو تمشي بنفس الرصيف(اللي فيه الحلواني) لغاية ما توصل ميدان الدقي به محل أسماك
قبل منه شارع بيصب بميدان الدقي .. المسجد ظاهر لك من أول الشارع
وبجواره محل تقريبا اكسسوار جولات وقبل المحل في محل
تقريبا يخص حاجة للسيارات المهم المسجد دا كان زاوية صغيره جدا ولا يوجد حمامات
(أعزكم الله ) بل عبارة عن حوض لفردين أو ثلاثة للوضوء
ودلوقتي ماشاء الله حاجة تانية

وبالنسبة للتحرير برضه في زاوية قريبة جدا أقرب من عمر مكرم وانت داخل أول الفلكي
من التحرير مفيش 3 دقائق أول شارع يمين ادخل مفيش خطوات قليلة تلاقية

عمار بن ياسر الصعيدي
01-09-2010, 03:14 AM
وعليكم السلام ورحمه الله وبركاته

جزاك الله خيراً حبيبي في الله

ونفع بك

مصطفى بن بدر
01-09-2010, 08:58 AM
جزاكم الله خير الجزاء
الشكر موصول لكل الاخوه اللى شاركوا معانا
ولاصحاب الافكار الرائعه
جزاكم الله خيرا

اخر التحديثات


الخط الاول
المنيب _ شبرا

المنيب :
فى مسجد بعيد نص شارع كده فى نفس صف المحطه وهيا ليه مخرج واحد

ساقية مكى مش ميكى :
فى مسجد فى نفس صف المحطه لما تخرج من الباب اللى يطلعك ناحية الجيزه وبيأخر فى الاقامه

ام المصريين :
فى مسجد تحت سلم المحطه ناحية الباب اللى يطلعك على الجيزه بس ده تبع الصوفيه ما تصليش فيه عدى الطريق تلاقى مسجد كبير تبع مستشفى ام المصريين

الجيزه :
فى مسجد تبع المحكمه لما تخرج من ناحية الجيزه مش الهرم بس خلى بالك بيقيم الصلاه بسرعه
او
بتخرج من ناحيه ش الهرم يعني عند النفق بتعدي الشارع هتلاقيه في وشك الظبط ..واسمه مسجد نصر الدين ..هو مسجد كبير ومعروف.. لا تصل فيه فقد تم التأكيد على ان به ضريح.
ولكن فى زاويه صغيره اول ما تنزل من السلم على شمالك

فيصل :
فى مسجد كبير فى نفس صف المحطه بس بعيد نصف شارع كده بعد الموقف تخرج من المحطه تمشى شمال وبيأخر فى الاقامه

جامعة القاهرة :
هتخرج من المخرج اليمين .. هتعدي القسم ... في مسجد على ناصيته .. قبل مكتب التنسيق .. مسجد تيع المستشفى ..

البحوث :
هتخرج على الصف التاني من اخوان مقار .. هتلاقي على ناصيتك الشبراوي .. كمل يمينك .. عد تلات او اربع نواصي .. هتلاقي مسجد على صفك ومسجد على الصف التاني ..
او
بتخرج من الباب اللي مكتوب عليه شارع التحرير_ شارع السودان , بتمشي حبه وبعدين تعدي الشارع بتلاقيه على شمالك (بس الراجل بتاع الجامع بيقفل بسرعه..معرفش ليه )

الدقى :
شارع التحرير.. شارع سليمان جوهر..هتلاقي مسجد اول شارع علي ايدك اليمين بعد مطعم الاسيوطي بالظبط ..هياخد منك دقيقتين بعد ما تطلع من سلم المترو
لمزيد من التفصيل
تخرج من أي سلم بالدقي المهم تمشي برصيف عبدالهادي أو حسونه الحلواني مش فاكر...في شارع قبل منه تدخل منه وتمشي هتلاقي امامك زي مستشفي خاص
الزوايه أو المسجد يمينك بنفس الصف اللي فيه المستشفي لو وجهك أمامها
أو
تمشي بنفس الرصيف(اللي فيه الحلواني) لغاية ما توصل ميدان الدقي به محل أسماك قبل منه شارع بيصب بميدان الدقي .. المسجد ظاهر لك من أول الشارع ...وبجواره محل تقريبا اكسسوار جولات

الاوبرا : ليس بجوارها مسجد ولكن ان كنت مضطرا فانزل قبلها او بعدها

السادات (التحرير) :
فى مسجد عمر مكرم اخرج من مخرج مجمع التحرير او مخرج المتحف المصرى والمسجد مشهور جدا
او
لو انت الناحية التانية من الميدان أو خرجت من مخرج الجامعة الأمريكية فهتدخل الشارع اللي على ناصيته كنتاكي و هارديز يكونوا ع الشمال و الجامعة الأمريكية ع اليمين لأن في أتنين كنتاكي في ميدان التحرير اللي نقصده هو اللي جنب مخرج مترو عند الجامعة الأمريكية و جنبه هارديز بعديهم ع الشمال هتلاقي زاوية في حارة ع الشمال حوالي أقل من دقيقة من المخرج

محمد نجيب :
فى مسجد اسمه جامع الطباخ هوا فى وش السلم يعنى المسجد فوق المحطه ومكتوب على اللافتات اللى بتبقى على ابواب الخروج دى

العتبه :
مسجد عماد الاسلام المؤقت فى وش السلم بتاع المحطه لما تخرج ناحية الجراج - ناحية شارع عبد العزيز او مسرح العرائس-

حسنى مبارك (رمسيس) :
مسجد الفتح مشهور قوى وبرده مكتوب على اللافتات

مسرة :
اخرج من مخرج : مجمع الاحياء .. هتلاقي مسجد هناك في وش مخرج المترو ..

روض الفرج :
عندك ستين مسجد .. اخرج من محطة روض الفرج واسأل على جامع الخازندارة .. او للتسهيل .. اسأل على شارع روض الفرج . في زاوية صغيرة في الشارع ده .. و جنب المترو ..

سانت تريزا :
بغض النظر عن الاسم .. بس دي اكتر منطقة فيها مساجد تقريبا في شبرا

اخرج من مخرج : حسن المغربي .. هتلاقي فرع موبينيل .. الناصية اللي قبله .. ادخل فيها هتلاقي مسجد اسمه: الرحمن .. و لو كملت فيه هتلاقي اربع جوامع في نفس الشارع تقريبا ..
او :
اخرج من مخرج : المتنزه .. وكمل .. عدي ناصيتين .. هتلاقي مسجد برضو ..

الخلفاوي :
عندك مسجد الفتح طبعا عند ميدان المماليك .. و لو طلعت وسألت ف الخلفاوي هيدلوك على كذا جامع .. بس عشان مصلتش الا ف الجامع ده هناك ..

او ممكن ترجع سيكا لورا من محطة الخلفاوي .. هتلاقي مسجد عمر بن الخطاب .. نفس المسافة تقريبا للفتح .. و قبله هتلاقي زاوية صغيرة ..

المظلات :
أول ما تخرج أسأل عن حمدي على. خليه على يمينك وأمشي لغاية قصر الإليزية, في جنبيه جامع.
او
على اتجاه شارع الرى البحرى اول ماتطلع من المحطه فى مسجد على الشمال

كلية الزراعة :
اخرج من المحطة هتلاقى كوبرى فى وشك امشى تجاهه وعدى من تحتيه هتلاقى التوحيد والنور فى وشك بص شمال هتلاقى مسجد صغير
لو عاوز مسجد كبيييييير ومريح جدا وبه إمام صوته ندي جداً متبصش شمال بص يمين هتلاقى فكهانى خش عليه وبص شمال هتلاقى المسجد امامك (مسجد الصحابة)

شبرا الخيمه:
اخرج من المحطة من الجهة التى بجوار شباك التذاكر بص اماكك الى اسفل هتلاقى مسجد لكنه بجوار السوق(زحام وضوضاء)
او بص يمين الى اسفل هتلاقى مسجد البخارى فى وشك
صحيح فى مسجد فى المحطة بارك الله فى من أنشأه .



ان شاء الله كده يبقى فاضل الاوبرا وشبرا الخيمه

الخط الثانى
حلوان - المرج

حلوان:
بعد ما تخرج من المحطة هتلاقي نفسك في سوق كبير هتلاقي شارع يمين هتلاقي عنده بتاع كشري اسمه الإيمان و بتاع كباب بعديهم على طول الزاوية حوالي دقيقة أو أقل مشي

عين حلوان : ؟؟؟؟؟؟؟؟؟؟؟؟؟؟

جامعة حلوان:
في مسجد جنب السلم الي بره المحطة

وادى حوف:
خرج من المحطة من الناحية الي على ايدك اليمين وانتا رايح حلوان امشي شوية شمال - هتلاقي ارض فضاء وفي مسجد لجوا فيها بابه صغير لتحت كده

حدائق حلوان: ؟؟؟؟؟؟؟؟؟؟؟؟؟؟؟

المعصره :
فى مسجد جنب المحطه على طول لو خرجت من رصيف المرج يعنى كأنك رايح المرج وهتبقى شايف مأذنة المسجد وانت فى المحطه

طره الاسمنت: ؟؟؟؟؟؟؟؟؟؟؟؟؟
كوتسيكا :؟؟؟؟؟؟؟؟؟؟؟؟؟؟؟؟؟؟
طره البلد : ؟؟؟؟؟؟؟؟؟؟؟؟؟؟؟
ثكنات المعادى : ؟؟؟؟؟؟؟؟؟؟؟؟؟؟؟

المعادى :
اخرج من المحطة من الناحية الي على ايدك اليمين وانتا رايح حلوان
امشي شوية يمين هتلاقي مسجد على نفس صف المحطة.

حدائق المعادى : ؟؟؟؟؟؟؟؟؟؟
دار السلام : ؟؟؟؟؟؟؟؟؟؟؟
الزهراء : ؟؟؟؟؟؟؟؟؟؟؟؟؟
مارجرجس : ؟؟؟؟؟؟؟؟؟؟

الملك الصالح :
انزل المحطة من المكان الي ناحية الكورنيش واخرج من الباب الشمال للمحطة هتلاقي مسجد في الوش على طول.
السيده زينب :
تخرج من الاتجاه اليمين ( بتشاور على شارع رشدي) أتجاه القصر العيني الفرنساوي تنزل هتلاقي شارع رشدي كله محلات بتبيع أدوات طبية لحد أول تقاطع سيارات موازي لخط المترو و عمودي على شارع رشدي تدخل شمال هتلاقي المسجد على اليمين حوالي 4_5 دقائق مشي

سعد زغلول : ؟؟؟؟؟؟؟؟؟؟؟؟؟؟

السادات (التحرير) :
فى مسجد عمر مكرم اخرج من مخرج مجمع التحرير او مخرج المتحف المصرى والمسجد مشهور جدا
او
لو انت الناحية التانية من الميدان أو خرجت من مخرج الجامعة الأمريكية فهتدخل الشارع اللي على ناصيته كنتاكي و هارديز يكونوا ع الشمال و الجامعة الأمريكية ع اليمين لأن في أتنين كنتاكي في ميدان التحرير اللي نقصده هو اللي جنب مخرج مترو عند الجامعة الأمريكية و جنبه هارديز بعديهم ع الشمال هتلاقي زاوية في حارة ع الشمال حوالي أقل من دقيقة من المخرج

جمال عبد الناصر(الاسعاف) :
في زاوية هناك بعد المخرج اللي بيخرج عن شارع طلعت حرب الزاوية في حارة ع الشمال أقل من دقيقة مشي ...- تأكيدا - أول ما تطلع من المطلع اللي عند المحاكم تمشي شويه هتلاقي محلات .. هناك مصلي صغير حتي الناس بتصلي علي الرصيف

احمد عرابى :
أول ما تخرج من المحطة فى نفس اتجاه الخروج حتمشى نص دقيقة حتلاقى نفسك تحت كوبرى أكتوبر ..تدخل يمين تحت الكوبرى حتلاقى مسجد الجلاء (الجمعية الشرعية الرئيسية)

و يا سلام بقى لو كانت صلاة مغرب أو عشاء حتسمع الشيخ عبد الخالق على من أجمل الأصوات اللى الواحد سمعهاي

حسنى مبارك (رمسيس) :
مسجد الفتح مشهور قوى وبرده مكتوب على اللافتات

غمره :
اخرج من المحطه انزل سلم الكوبرى ادخل اول شارع علي يمينك... شويه تلاقى مسجد على شمالك

الدمرداش :
اول ما تعدى من المكنه اخرج من الباب اللى على يمينك انزل السلم تلاقى المسجد على يمينك على طول

منشية الصدر:
المسجد علي إيدك اليمين عدل أول ما تنزل من المحطه ومفيش جنبه جزاره...يرجى التأكد ما اذا كان به ضريح
او
الجهة الاخرى بها مسجدين اخرج وامشى يمين شويه هتلاقيه على شمالك

كوبرى القبه :
في مسجد جمال عبد الناصر لكن بعيد عن المحطة نفسها ..
عندك مخرجين لكوبري القبة ..
المخرج الاول اللي عند الكوبري .. هتلاقي في مسجد في وش المحطة .. بس لجوة .. مش بعيد .. دقيقة مشي اصلا ...
المخرج التاني .. عند موقف المكروباصات او كشري الزعيم .. هتطلع .. على شمالك هتلاقي موقف مكروباصات .. ادخل ف الشارع ده .. اخره في مسجد .. مسافة تلات دقايق ..

حمامات القبة : ؟؟؟؟؟؟؟؟؟

سراي القبة :
اخرج من المحطة .. امشي شمال لحد ما تلاقي مسجد على الرصيف التاني

حدائق الزيتون:
اطلع الناحية الشرقية ناحية الاسواق وامشى شمال شوية بسيطة جامع على المحطة مباشرة
او
تخرج من اتجاه المرج تدخل يمين هتشوف منزل كوبري سيارات اسمه كوبري سنان تحب الكوبري دا في زاوية صغيرة حوالي دقيقتين أو أقل مشي
او
أول ما تخرج من المحطة الشارع اللي في وشك تدخل فيه لحد أول تقاطع تدخل يمين على شمالك على طول هتلاقي المسجد حوالي دقيقتين أو 3 دقائق مشي

حلمية الزيتون:
هناك جامع على المحطة مباشرة الجهة الغربية

المطريه :
اخرج من رصيف اتجاه حلوان هتلاقي المخرج على السلم من فوق أول رصيف المحطة بعد الخروج تمشي في الشارع على شمالك لحد أول يمين تدخل فيه آخره مسجد على الشمال عند منزل كوبري سيارات اسمه علي باشا اللالاه حوالي 3_4 دقائق مشي

عين شمس: ؟؟؟؟؟؟؟؟؟؟؟؟

عزبة النخل :
اطلع الناحية الغربية امامك مباشرأ مسجد

المرج:
أطلع المرج الشرقية هناك مسجد الرحمن على المحطة مباشرة ومسجد الهداية على المحطة مباشرة ايضا

المرج الجديده :
اول ما تطلع من المحطة فى جامع كبير فى الميدان على ايدك الشمال



الله اكبر
الحمد لله كده يكون بفضل الله خط شبرا المنيب اكتمل
وخط المرج حلوان به 13 محطه لسه

ان شاء الله فات الكثير وما بقى الا القليل

الله المستعان

لو اى اخ عنده ملا حظات او مزيد تفصيل فنحن نرحب به

وفكرة طباعة ورقه بالموضوع جميله جدا ربنا ييسر ونخلص ويبقى ده موضوع ليه تجهيزاته الخاصه

بارك الله فيكم

أحمد مسعود
01-10-2010, 02:14 PM
كلية الزراعة: في مصلي فى المحطة
ولو خرجت بره خد شمال وعدي التوحيد والنور هتلاقي مسجد

***************

شبرا الخيمة : في مصلي فى المحطة
أو تخرج من النفق هتلاقي مسجد فى وشك
أو تخرج من أدام المحطة هتلاقي مسجد عند الموقف

أبو ذر المهاجر
01-10-2010, 02:31 PM
ممتاز جدا أخى جزاك الله كل خير
بالنسبة لمحطة كلية الزراعة فأول ماتخرج من المحطة بتلافى قدامك كبرى عرابى وفى فتحة عديها واكسر يمين جنب التوحيد والنور هتلاقى شوارع قدامك فيها جوامع كتير وديه اقرب مكان فيه جوامع لان المحطة من ناحية موقف مواصلات ومافيش جامع قيب والناحية التانية الكلية فلازم نعدى الناحية التانية من الكبرى من تحتيهوان شاء الله مساجد جنب التوحيد والنور

أما بالنسبة لشبرا الخيمة لو طلعت من المحطة من المطلع بتاع المؤسسة ورا اللى بيطلع على مستشفى النيل لو كملت على الكبرى بس كسرت شمال هتلاقى اول ماتنزل من الكبرى جامع كبير فى وسط الميدان اللى هو الناحية التانية من المؤسسة

ماهر78
01-17-2010, 10:36 PM
السلام عليكم ورحمة الله وبركاته
فكرة رائعة جزاكم الله خير
والحقيقة حبيت اشارك معاكم
محطة روض الفرج : اول ما تخرج من المحطة مخرج موقف الاتوبيس هتلاقى المسجد فى الموقف بالتحديد فى ظهر مخرج المترو بتاع الموقف
من غير ما تبعد عن المحطة علشان تصلى وتروح بالسلامة
محطة الدقى :الحقيقة الحمد لله يتم فرش الموكيت فى وقت الصلاة ده اللى بشوفوا وقت العشاء هناك وقت لما بمر من هناك ومتتصوروش كم هذا الموضوع جميل نفسنا فى كل محطة نعمل كده
الله اكبر اكبر من كل شئ المشهد ده بيجذب كثير وبيحرك قلوب ساكنة

جزاكم الله خير

عمار بن ياسر الصعيدي
01-18-2010, 07:50 AM
السلام عليكم ورحمة الله وبركاته
فكرة رائعة جزاكم الله خير
والحقيقة حبيت اشارك معاكم
محطة روض الفرج : اول ما تخرج من المحطة مخرج موقف الاتوبيس هتلاقى المسجد فى الموقف بالتحديد فى ظهر مخرج المترو بتاع الموقف
من غير ما تبعد عن المحطة علشان تصلى وتروح بالسلامة
محطة الدقى :الحقيقة الحمد لله يتم فرش الموكيت فى وقت الصلاة ده اللى بشوفوا وقت العشاء هناك وقت لما بمر من هناك ومتتصوروش كم هذا الموضوع جميل نفسنا فى كل محطة نعمل كده
الله اكبر اكبر من كل شئ المشهد ده بيجذب كثير وبيحرك قلوب ساكنة


جزاكم الله خير



ما شاء الله

gega50
01-25-2010, 01:54 PM
فية جمب محطة كوبرى القبة مصلى مش مسجد اول ماتخرج من البوابة بتاعت اتجاة المرج على الشمال
ومحطة المطرية فية مسجد اول ماتخرج من البوابة ناحية اليمين

@ أبو خالد @
01-25-2010, 02:37 PM
بارك الله فيكم على هذا الجهد
ويعتبر هذا الموضوع كورشة عمل ، بعد الإنتهاء يمكنك التنسيق وجمع كل هذه المعلومات في ( رد ) واحد تضعه في موضوع جديد ، حتى تسهل طباعتها ومن ثمّ توزيعها
مع التنبيه للإخوة بأن يكونوا متأكدين أن المساجد المذكورة تخلوا جميعها من الأضرحة

مصطفى بن بدر
04-18-2010, 03:39 PM
بارك الله فيكم

نحتاج فقط من ينسق الكتابه اتناسب الطباعه والتوزيع

كلمت من يمكنه طباعتها

فقال ائتنى بها ملف ورد وانا اطبعها

المهم الان

فلنبدأ بخط المنيب - شبرا نظرا لاكتماله وعدم اكتمال الخط الاخر

فقط مقدمه بسيطه تشد القارئ ثم وصف مختصر لكل محطه

وجزاكم الله خيرا

heshaaam
04-18-2010, 05:24 PM
حدائق المعادى جامع الفتح الشهير وكذلك العتبة تطلع عندك مسجد عماد الاسلام والتوحيد
والاسعاف عندك مسجد قدام السنترال على نفس صف الاتنين بتوع العصير
ومترو الدقى اسأل على جامع أسد الفرات شهير جدا فى شارع التحرير

اصبر واحتسب
04-18-2010, 05:48 PM
حبيبى
أنا من دمياط
في خمس مساجد جنب البيت
ينفعوا !!!! ( ابتسامة )
أحبكم في الله
وأسأل الله أن يثبت
قلوبنا على طاعته
كما أسأله أن يُثَبَّت الموضوع
وجزاكم الله خيرًا

أحـب الـصـالـحـيـن
04-18-2010, 10:02 PM
بارك الله فيكم وجزاكم كل خير

aymen87
04-18-2010, 10:43 PM
تصدق اخي الكريم، كنت اتخيل انه لا سبيل للجمع بين الاثنين (المترو و الحفاظ علي تكبيرة الاحرام) ولكن جزاكم الله خيرا لمجهودكم

يوسف الأحلام
04-18-2010, 11:31 PM
السلام عليكم ورحمة الله وبركاته
جزاكم الله خيرا أحبتى فى الله وأشهد الله أنى أحبكم جميعا فى الله
بالنسبة لمحطة الأوبرا : هى وصفة بعيدة شوية معلش
حضرتك بتخرج من المحطة فى اتجاه الجراج جنب النادى الأهلى أمشى شوية فى نفس الطريق هتلاقى على اليمين مركز شباب الجزيرة يوجد به عدد 2 مصلية وربنا يتقبل
وبالنسبة لمحطة حمامات القبة : أخرج من المحطة من الاتجاه القادم من المرج هتلاقى أمامك شارع على ناصيته محل هدايا خلى المحل على يمينك وامشى حوالى 10متر هتلاقى شارع صغير على ايدك الشمال على يمينك على طول فى مسجد صغير بيأخر الإقامة
تقبل الله منا ومنكم